Cdo ditë e më shumë, çështja se çdo të ndodhë me Presidentit në rast të dështimit të zgjedhjeve presidenciale, po pushton hapësirën publike Shqiptare. Dihet se Presidentit aktual i mbaron mandati i tij më 24 korrik 2007 dhe sipas Kushtetutës së Republikës së Shqipërisë, “procedurat për zgjedhjen e Presidentit të ardhshëm, duhet të fillojnë jo më vonë se 30 ditë para mbarimit të mandatit presidencial paraardhës�.

Sa do të zgjasë kjo procedurë, a mund ta tejkalojë 24 korrikun, ditën pra të mbarimit të mandatit të Presidentit aktual? Sipas, kushtetutës, janë parashikuar pesë votime të cilët, me përjashtim të votimit të pestë, i cili nuk ka një parashikim kohor për realizimin e tij, katër votimet e tjera zhvillohen në një largësi prej shtatë ditësh nga njëri-tjetri.

Zgjedhja e Presidentit të ri duhet të paraprijë mbarimin e mandatit të Presidentit në funksion.Po sipas kësaj logjike, sipas një kalkulimi, procedura e zgjedhjes së Presidentit në rastin tonë do të duhet të zgjasë deri më 20 korrik 2007, katër ditë para mbarimit të mandatit të presidentit Moisiu. Nëse, deri në votimin e pestë që koincidon me këtë datë, Parlamenti nuk arrin të zgjedhë Presidentin e ri, atëherë ky i fundit “shpërndahet dhe brenda 60 ditëve bëhen zgjedhjet e reja të përgjithshme�. Në kushtetutën Shqiptare një parashikim i tillë mungon, por kjo nuk do të thotë se zgjidhja e një çështjeje të tillë do të synohet jashtë frymës kushtetuese. Presidenti, në kushtet e mungesës së “pamundësive� vijon mandatin e tij deri në zgjedhjen e Presidentit të ri.Është e qartë, tashmë për të gjithë, se aktet ligjore në përgjithësi, përfshi këtu edhe kushtetutat, janë gjithmonë të shkruara nga njerëzit, ndaj ato janë larg të qenit të përkryera. E rëndësishme, biles do të thosha jetike në një sistem demokratik, është prezenca e një mentaliteti demokratik tek çdo qytetar dhe sidomos tek ata qytetarë, të cilët momenti historik ju ka vendosur mbi shpatulla barrën e drejtimit të shtetit dhe shoqërisë. Vetëm ky mentalitet dhe dashuria për këtë sistem, të ndihmojnë në çdo moment të përballosh probleme të kësaj natyre dhe nga ana tjetër, vetëm mungesa e tij të shtyn, ashtu si miu, të kërkosh dhe hapësh vrima aty ku s’ekzistojnë, duke rrezikuarrendin kushtetues, tamam si kjo qenie e vogël rrezikon ndërtesat, ashtu ngadalshëm, tek kërkon e gërryen në errësirë themelet e tyre.

Shkrimet e fundit nga Gazeta Shekulli