Canabis sativa ka gjelberuar Lazaratin. Kultivimi I kësaj bime narkotike në fshatin rreth 2 kilometra larg qytetit të Gjirokastrës duket, se nuk shqetëson më jo vetëm vëndasit, por as krerët e Ministrisë së Brëndëshme, ku duket se lufta e tyre kundër kultivimit të lëndëve narkotike në këtë fshat është e humbur. Efektivat e policisë së shtetit I janë qepur maleve për të korrur bimët narkotike në çdo cep të humbur të Shqipërisë dhe Ministria e Brëndëshme nuk ka ngurruar aspak të bëjë publike operacionet e suksesshme, por në Lazarat nuk guxon të shkelë këmba e një qytetari të thjeshtë, jo më forcat e policisë së shetit. Nje helikopter per te cilin thuhet se kishte qellime turistike u ndodh nen bresherite e automatikut. Per minuta te tera qyteti eshte mbajtur peng nga te shtenat e lazaratesve. Kaq ka mjaftuar, qe edhe per kete tre mujor efektivat e policise te mos guxojne te hartojne plane operacionale, jo me te korrin sukses.

Rasti më i fundit i prezencës së policisë në shtetin e Lazarat ishte më 7 shator te vitit te kaluar. Për shak të vrasjes së Sabri Shurthit, ish person në kërkim, lazaratësit morën peng Komisariatin e Gjirokastrës. Në kohën që të gjithë prisnin ndëshkimin e autorëve që dhunuan insitucionin, ish drejtori e Policisë së Gjirokastrës, Shpëtim Baçi, deklaroi se ngjarja nuk ishte një sulm ndaj komisariatit por thjeshtë një incident, si pasojë e të cilit u dogjën disa makina. Shteti tregoi se nuk ka ndërmënd të kapërcejë ato dy kilometra rrugë, që ndan Gjirokastrën me Lazaratin, jo vetëm për të kërkuar autorët e sulmit të komisariatit, por edhe për të vazhduar luftën e tij kundër bimëve narkotike, që edhe këtë vit kanë gjelberuar fshatin e Lazaratit. Nëse nuk gjen një të njohur dhe nuk betohesh se në fshat do të bësh veshët shurdh dhe sytë qorr, askush nuk të garanton jetën, nëse të shkel këmba në fshatin rrëzë Sopotit.

Prej vitesh Lazarati është kthyer në tokën e bekuar të kultivuesve të bimëve narkotike. Megjithëse policia e shtetit prej vitesh ka deklaruar luftë pa kompromis ndaj kultivuesve të bimëve narkotike, ky objektiv nuk përfshin aspak fshatin e Lazaratit. Banorët e këtij fshati kanë kultivuar dhe vazhdojnë të kultivojnë hashash pa pyetur për objektivat e policisë së shtetit. Në fshat të tregohet me mburrje koha e artë kur shteti drejtohej nga Fatos Nano. “Ishte si ishte Nano por ne na la të qetë�-të thonë në kafenene në qëndër të fshati. I konsideruar si fshat bastion I Partisë Demokratike për vite me radhë lazaratasit kishin siguruar paprekshmërinë territoriale. Rebelimi jo vetëm I burrave por edhe I grave dhe fëmijëve bëri, që Lazarati të sigurojë autonominë e duhur për kultivimin e lëndëve narkotike. Në Lazart kultivimi i lëndëve narkotike konsiderohet si një e drejtë e padiskutueshme e vendasve. Duket, se edhe këtë vitit lazaratasit do ti korrin të qetë parcelat e tyre me Cannabis Sativa.

Shkrimet e fundit nga Lindita Cela