Kur 6 vjet më parë Shekulli nisi të editonte një rubrikë të letrave nga lexuesit, ishin shumë ata që mendonin se kjo ishte e kotë, madje ishte një atavizëm i shtypit komunist, një lloj kthimi prapa, etj.
Historia e gazetës këto vite dëshmoi të kundërtën. Shpesh ato që arrijmë kanë ecuri të përkundërt nga pritshmëritë, sidomos kur këto janë të kushtëzuara nga paragjykimet.

“Shekulli” është përpjekur vazhdimisht të bëj ndryshime dhe të modulojë rubrika të reja. Paralelisht me këtë, besoj keni vënë re, që gazeta ka ruajtur “me kokëfortësi” tendencën për të qenë në lidhje me lexuesin e vet.  Ja p.sh, ky Blog  na jep një tjetër mundësi komunikimi. Shpesh këtu qajmë hallet e gjithë botës, dhe mirë bëjmë. Po le të meremi njëherë edhe me veten tonë..

Si një nga drejtuesit e kësaj gazete, ndjej shpesh nevojën që të di si priten këto ndryshime, çfarë duan dhe çfarë mendojnë lexuesit e gazetes.
Ndaj sot kam disa pyetje direkte, për të cilat shpresoj të gjeni kohë të flasim:

Si e vlerësoni cilësinë e lajmit te Shekulli? Po nivelin e analizes? Cilën nga rubrikat vlerësoni më shumë? Cila ju duket më e dobët? A keni ndonjë gazetar të preferuar? A ju pelqen kalimi i Shekullit Online nga formati  i pasqyrimit statik të Shekullit Print, në një version agjensie lajmesh live?

Përmbledhtas: Çfarë bëjmë mirë, çfarë bëjmë keq dhe çfarë mund të përmirësojmë në punën tonë?

Mund të jepni sigurisht mendime rreth Shekullit edhe jashtë fokusit të këtyre pyetjeve. Në të gjitha rastet, përgjigjet tuaja do të jenë një ndihmë e madhe për redaksine tonë. Shpresoj që në debat të përfshihen si lexuesit tanë online, ashtu edhe ata të versionit print.

Faleminderit për kohën tuaj!

Shkrimet e fundit nga Adrian Thano