Jo më shumë se një vit më parë rruga drejtë Gjirit të Lalzit përngjante me rrugëtimin e ferrit. Në autostradën Tiranë-Durrës nuk kishte as edhe një tabelë që të bënte me dijë vendodhjen e një prej gjireve më të bukura të Adriatikut. Ndërsa 7 kilometrat që duhet të përshkuash nga rruga nacionale në gjirinë me kurora pishash edhe ujë të kristalt të largonin çdo dëshirë për të jetuar qoftë edhe një ditë në paqe. Por vetëm një vit më parë Gjiri I Lalzit ishte I qarkuar nga ferri. Murati, banor I fshatit të Maminasit thotë se pikërisht ky gji ka lehtësuar dhe jetën e afro 7 mijë banorëve të komunës së Maminasit. “Që kur në këtë gji ka blerë shtëpi Argita Berisha na u shtrua dhe rruga, tani nuk ka si fshati ynë”-të thotë 70-të vjeçari. Në fakt sapo hyn në Komunën e Maminasit një tabelë të bën me dije projketin e Drejtorisë së Rrugëve me një vlerë 870.993.000 lekë për sistemimin dhe asfalitimin e rrugës Mamina-Gjiri I Lalzit, që ka nisur një vit më parë. Vëndasit të thonë, se rruga përfundon pikërisht në fshatin turistik “Lura”, aty ku edhe disponon vilën e saj vajza e kryeministrit si dhe një sërë politikanë të tjerë të njohur. Këtë e di I madh dhe I vogël në 7 fshatrat e kësaj komunës, por duket se asnjërin prej tyre nuk e shqetëson ky fakt. Jo vetëm për Maratin, por për të gjithë e rëndësishme është që tashmë kanë një rrugë, që dikur ishte ferri I jetës së tyre. Ndërsa plaku 70-të vjeçarë më tregon se si rruga e shtruar ka ndikuar që gjindja aty të mos jetë më në zgrip të mjerimit, sjellë ndërmënd se ky projekt është tashmë një marifet I njohur. Pushtetarëve tanë mjafton të zgjedhin zonën, kun në të shumtën e rasteve preferohet e virgjër, dhe rruga nis e të ndërtohet si me magji. Kështu nuk prishin as makinat e tyre në rrugëtimet drejtë oazeve të qetësisë, por sigurojnë edhe votat e fshatrave përrreth. Këtë punë bëri dhe kryeministri një muaj më parë. Në turin e tij në Jug të vendit jugut inauguroi një sërë projektesh pikërisht në një zonë menaxhimin e së cilës e ka marrë përsipër dhëndri I tij. Në Srandë përuroi nisjen e rrugëve, në Himarë ujësjellësa, në një gji tjetër shkolla dhe të gjitha këto nën siglën e “qeverisë me duar të pastra”. Ndërkohë që para do kohësh himarjotët flisnin edhe për toka të blera nga dhëndri I kryeministrit, I cili ka hartuar edhe projektin e menaxhimit të bregdetit të jugut. Por 70-të vjeçari as që I di këto punë. Përveç fshatit të tij nuk I ka shkelur këmba gjëkundi. Madje as gjirin e famshëm nuk I kanë parë sytë. Por di fortë mirë nëse vajza e kryeministrit nuk do të preferonte pikërisht këtë gji, katundi I tij sot e kësaj dite do të kishte atë rrugë në fundin së cilës Parajsa nis nga Ferri.

Shkrimet e fundit nga Lindita Cela