Bixhozi me të gjitha format e veta si ato më klasike (kazinotë dhe bastoret) apo ato më të reja (lojërat elektronike dhe interneti) përbën një tundim të përditshëm për shumë vetë.
Shifrat më të fundit zyrtare në Shqipëri, një ndër vendet më të varfëra të Evropës, sugjerojnë se gjatë vitit të kaluar shqiptarët kanë shpenzuar më shumë se 100 milionë dollarë në bixhoz, përfshirë bastet për ndeshje sporti.

Autoritetet zyrtare të Tiranës gjithashtu thonë se vetëm në muajin janar të këtij viti të hollat e shpenzuara në bixhoz janë rritur 30 përqind krahasuar me një vit më parë.

Sociologët paralajmërojnë se varshmëria nga bixhozi shpesh herë shkakton probleme të borxhit, dëmtim apo shkatërrim të marrëdhënieve familjare apo në raste ekstreme mund të çojë edhe në vetëvrasje.

Në programin Forum të BBC-së janë ngritur disa pyetje interesante të cilat mund ti diskutojmë edhe këtu: Çfarë mendoni ju për bixhozin? Pse luhet? A keni probleme ju apo dikush në familje me varshmëri nga bixhozi?

Shkrimet e fundit nga admin